தோடம்பழங்களுக்குள் மறைத்து ஹெரோயின் கடத்திய பாகிஸ்தான் நபர் கைது.

தோடம்பழங்களுக்குள் சூட்சமமான முறையில் மறைத்து பல லட்சம் ரூபா பெறுமதியான ஹெரோயின்
போதைப் பொருளை இலங்கைக்கு கொண்டு வந்த பாகிஸ்தான் நபர் கட்டுநாயக்க விமானநிலையத்தில் கைது செய்யப்பட்டுள்ளார் .

விமான நிலைய போதைப் பொருள் ஒழிப்புப் பிரிவினரால் சந்தேக நபர் கைது செய்யப்பட்டார் என்று சுங்க ஊடகப் பேச்சாளர் லெஸ்லிகாமினி தெரிவித்தார் . சந்தேகநபர் 12 தோடம்பழங்களுக்குள் ஹெரோயின் போதைப் பொருளை மறைத்து பாகிஸ்தானின் கராச்சி விமான நிலையத்திலிருந்து இலங்கைக்கு எடுத்து வந்துள்ளார் .

ஒரு தோடம்பழத்துக்குள்ளும் 80 கிராமுக்கு மேல் ஹெரோயின் போதைப் பொருள் மறைத்து வைக்கப்பட்டிருந்தது என்று ஊடகப் பேச்சாளர் கூறினார் . இதற்கமைய சந்தேகநபரிடமிருந்து சுமார் ஒரு கிலோ கிராம் எடையுள்ள ஹெரோயின் கைப்பற்றப்பட்டுள்ளது . மீட்கப்பட்ட போதைப் பொருளின் பெறுமதி 10 மில்லியன் ரூபா என்று மதிப்பீடு செய்யப்பட்டுள்ளது .