ராஜீவ் கொலை வழக்கு. தமிழக முதல்வர் அறிவிப்பிற்கு எதிர்ப்பு தெரிவித்து காங்கிரஸ் உறுப்பினர்கள் வெளிநடப்பு.

ராஜீவ் காந்தி கொலை வழக்கில் குற்றம் சாட்டப்பட்டவர்களை விடுதலை செய்யுமாறு தமிழக
முதல்வர் அறிவித்ததற்கு எதிர்ப்பு தெரிவித்து சட்டப்பேரவையில் இருந்து காங்கிரஸ் உறுப்பினர்கள் வெளிநடப்பு செய்துள்ளனர் .

ராஜீவ் கொலை வழக்கில் குற்றம் சாட்டப்பட்ட 7 பேரை விடுதலை செய்து முதல்வர் ஜெயலலிதா சட்டப்பேரவையில் இன்று அறிவித்தார் . இதை , எதிர்க்கட்சி தலைவர்கள் பலரும் வரவேற்று பேசினர் .

ராஜீவ் காந்தி உட்பட 18 பேர் ஸ்ரீபெரும்புத்தூரில் கொல்லப்பட்டார்கள் . அந்த 18 பேருக்கு என்ன நியாயம் கிடைக்கும் என்று இதன்போது காங்கிரஸ் உறுப்பினர் ரங்கராஜன் கேள்வியெழுப்பினார் .

இதனைத் தொடர்ந்து காங்கிரஸ் உறுப்பினர்கள் சட்டசபையில் இருந்து வெளிநடப்பு செய்தனர் .

சென்னை நிருபர் .